23 Jesoa namaly ka nanao taminy hoe: Raha misy tia Ahy, dia hitandrina ny teniko izy; ary ny Raiko ho tia azy, ary hankao aminy Izahay ka honina ao aminy.24 Izay tsy tia Ahy dia tsy mitandrina ny teniko; ary ny teny izay renareo dia tsy Ahy, fa an’ ny Ray izay naniraka Ahy.25 Izany teny izany dia efa voalazako taminareo raha mbola mitoetra eto aminareo Aho;26 fa ny Mpananatra, dia ny Fanahy Masina, Izay hirahin’ ny Ray amin’ ny anarako. Izy no hampianatra anareo ny zavatra rehetra sy hampahatsiaro anareo ny zavatra rehetra izay nolazaiko taminareo.
JAONA 14 :23-26
NY MPANARA-DIA AN’I JESOA KRISTY
1-Miaina amin’ny didin’i Jesoa Kristy
Mitaona ny mpanara-dia Azy i Jesoa Kristy mba hitandrina, hiaina mandrakariva amin’ny fampianarany. Ambarany mazava fa izany fitandremana ny fampianarana nataony izany no mariky ny fitiavana an’ Andriamanitra sy fitiavana Azy izay asehon’ny mpianatra eo amin’ny fiainany andavanandro. Fitandremana ny didiny, fankatoavana ny sitrapony no marika fa miaina amin’ny fiainam-baovao eo ambany fitarihan’ny Fanahy Masina ny mpino. Raha tian’ Andriamanitra àry ianao dia aza misy adinoina ny Teny, fitsipika natolony mba hiainanao. .
2-Miasa amin’ny fitarihan’ny Fanahy Masina .
Irahin’i Jesoa Kristy mba hanohy ny asany ny mpianatra . Tsy asa vaovao ny atao fa fanohizana hatrany izay asa efa nataony teto anivon’izao tontolo izao dia ny hahatonga izao tontolo izao handray ny famonjena . Antoka hahafahan’ny mpianatra hanohy ny asan’ny Tompo noho izany ny Fanahy Masina izay omena azy ireo. Ny Fanahy Masina no hampianatra , hitarika sy hampahatsiaro ny fampianarana , ny asa efa nataon’ny Tompo mba hahita fahombiazana ny mpianatra amin’ny fanatanterahaaaaana ny asa apetraky ny Tompo amin’izy ireo . Tsarovy fa nomen’ Andriamanitra ny Fanahy Masina isika mpino mba hanao marina tokoa ny asany . Mahereza hatrany.
Fanontaniana:
Nahona no misy olona tsy mety mankato ny Didin’ Andriamanitra ?
Ho an’Andriamanitra irery ihany ny voninahitra. Amen !