26 Fa Andriamaniny no manoro azy izay mety hataony, Eny, Izy no mampianatra azy.27 Fa tsy ny kodia vy no ivelezana ny nigela, ary tsy ny kodian’ ny sariety no akodiadia amin’ ny komina; Fa ny nigela dia velezina amin’ ny fantàka, ary ny komina amin’ ny tehina.28 Moa mongomongoiny va ny vary hatao mofo? Tsia, fa tsy veleziny na hampandehanany ny kodian’ ny sarietiny sy ny soavaliny lalandava izy; Tsy mongomongoiny tsy akory izy.29 Izany koa dia avy amin’ i Jehovah, Tompon’ ny maro; Fa mahagaga amin’ ny fisainana Izy Ary mahatalanjona amin’ ny fahendrena.
ISAIA 28 :26-29
MAHATOKY AMIN’NY FAHENDRENY NY TOMPO
Manomboka eo amin’ny and 23 no ilazan’ny Tompo sary an’ohatra amin’ny alalan’ny Mpaminany, mba ho entiny hanazavana ny fomba fitondrany ny vahoakany. Sary an’ohatra momba ny asa tany sy fambolena no ambara :
1-Mahalala ny hevitra itaizany sy itondrany ny vahoakany ny Tompo
Hendry ny Tompo ka manazava sy mampianatra ny antom-panaovana sy ny fomba fanao amin’ny zavatra iray ikendrena ny tanjona. Izany no ventinkevitra tiana ambatra amin’ireto and 26-29 ireto , saingy nolazaina tamin’ny endrika fandavana sy ny fanoroana antsika ny tsy tokony hataontsika izany .Ny hafatra tiana hampitaina amintsika dia manao hoe:mahalala ny hevitra itaizany sy itondrany ny vahoakany amin’ny maha-zanany azy ny Tompo
2-Mahalala ny hevitra iheverana antsika Izy
Izay rehetra miseho sy mitranga dia efa voahevitra avokoa amin’ny fotoanany sy araka ny fombany avy ary ikendrena zava-mahasoa. Mahatoky amin’ny fahendreny Izy, ka matokia Azy. Mahalala ny hevitra iheverana antsika Izy dia hevitra hahatonga fiadanana fa tsy loza (Jer 29.11).
3-Hainy ny mampiara-miasa ny zavatra rehetra hahasoa izay tia Azy
Na dia tsy takantsika aza ny anton’ny seho sy ny tranga eo amin’ny fiainantsika dia misy kendren’ny Tompo ao ambadik’izany. Nentiny tamin’izany fomba izany koa i Jesoa zanany. Koa na dia niharam-pahoriana aza Izy, dia nandresy tamim-boninahitra. Matokia Azy, satria mahatoky amin’ny fahendreny Izy, ka hainy ny mampiara-miasa ny zavatra rehetra hahasoa izay tia Azy (Roma 8.28)
Ho an’Andriamanitra irery ihany ny voninahitra. Amen !